Наглядальная рада Ватыканскага банка абмеркавала бягучую сітуацыю
27 чэрвеня адбылося
пасяджэнне Наглядальнай рады Інстытута рэлігійных спраў, шырока вядомага пад назвай
Ватыканскі банк. Рада сустрэлася таксама з Наглядальнай камісіяй кардыналаў, якую
ўзначальвае кардынал Дзяржсакратар Тарчызіо Бэртонэ. “Гэта былі дзве сустрэчы, вельмі
карысныя для абмену інфармацыяй і прапановамі, у сувязі з бягучым кіраваннем Інстытутам,
а таксама вызначэннем агульнапрынятых крытэрыяў прафесіяналізму і вопыту, у кантэксце
выбару новага старшыні Наглядальнай рады”, - адзначаецца ў паведамленні Залы Друку.
Паведамляецца таксама, што Бэнэдыкт ХVI уважліва сочыць за развіццём сітуацыі ў Інстытуце
рэлігійных спраў, аб чым яго рэгулярна інфармуе кардынал Дзяржсакратар.