Պենետիկտոս ԺԶ Սրբազան Քահանայապետի Գործունէութիւնը

Երկուշաբթի 25 յունիս 2012- ի առաւօտեան ժամը 11ին Պենետիկտոս ԺԶ Սրբազան Քահանայապետը ունկնդրութիւն շնորհեց Մալթայի Ասպետական Կարգի իշխանապետ` Եղբայր Մաթիու ֆէսթինկի ու անոր ընկերացող շքախումբին։

Նորին Սրբութիւնը ապա ընդունեց Եպիսկոպոսներու Ժողովի կառավարիչը Կարտինալ Մարք Ուելլէն հուսկ ժամը 12.15 անց ունկնդրութիւն շնորհեց Սպանիայի երբեմնի զինուորական մատրանապետ` Կարտինալ Խօսէ Մանուէլ Էսդէբա Լորէնսի։

Նշենք որ վաղը երեքշաբթի 26 յունիսին՝ Պենետիկտոս ԺԶ Սրբազան Քահանայապետը կ՛այցելէ Իտալիոյ Հիւսիսային շրջանի Էմիլիա Ռոմանիա Նահանգը, սփոփանք եւ յոյս տանելու՝ երկրաշարժի աղէտեալներուն։ Երկրաշարժը՝ որ տեղի ունեցած էր անցեալ մայիսի ամսոյն վերջերը եւ որուն հետեւանքով մահացած էին 23 հոգիներ։