Амерыканскі журналіст стане дарадчыкам Святога Пасаду
Апостальская Сталіца
даверыла сваю будучыню ў сферы камунікацый амерыканскаму журналісту і медыя-дарадчыку.
Дзяржаўны Сакратарыят прызначыў 52-гадовага Грэга Бёрка кансультантам па камунікацыйным
стратэгіям, пацвердзіла 24 чэрвеня Зала Друку. Бёрк атрымае асобны офіс у Ватыкане
і будзе каардынаваць супрацоўніцтва ватыканскай прэс-службы і Дзяржаўнага Сакратарыяту.
Калі новы кансультант пачне працу, пакуль невядома.
Бёрк у цяперашні час працуе
ў Рыме як ватыканскі карэспандэнт канала “Fox News”; раней ён быў рэпарцёрам і публіцыстам
амерыканскага часопіса “Time”. Бёрк з’яўляецца членам каталіцкай супольнасці “Opus
Dei”.