Հռոմի Գարիթասի նախաձեռնութեամբ շաբաթ 23 յունիսի առաւօտեան ժամը 9ին Հռոմի մէջ տեղի
ունեցաւ <<Հռոմ յարաբերական քաղաք։ առաջարկներ քրիստոնէական եւ եղբայրական համակեցութեան
համար>> վերտառութեամբ համաժողով մը։ Համաժողովին ելոյթ ունեցաւ, ի մէջ այլոց, Հռոմի
թեմի տեղապահ Արքեպիսկոպոսը` Կարտինալ Ակոսթինօ Վալլինին։
Սուրբ Պօղոս եւ Ս.
Պետրոս առաքելապետերու տօնին առթիւ, Իտալիոյ եպիսկոպոսական համահաւաք դասը, կիրակի 24
յունիսը յայտարարած է ՜՜ Սրբազան Քահանայապետի ի նպաստ նուիրատութեան օր՝՝։ Այդ օրը
Իտալական եկեղեցիներու մէջ Սուրբ Զոհին ընթացքին կատարուած դրամահաւաքը կը դրուի Սրբազան
Քահանայապետի տրամադրութեան տակ, Սրբազան Հօր բարեսիրական գործունէութիւններուն ի սպաս։