Կարտինալ Վելիօ իր Մտահոգութիւնը Յայտնած Է Գաղթական Փախստականներու Կացութեամբ։
Կարտինալ Անթոնիօ Վելիօ` նախագահը գաղթականներու ու փախստականներու հովուութեան քահանայապետական
խորհուրդին, վերջերս մասնակցած է Սանթ Էճիտիօ կոչուած եկեղեցական շարժումի աղօթքի հսկումին
եւ որուն ընթացքին խօսք առած է ու ընդգծած՝ է հարկաւորութիւնը որ միջազգային հասարակութիւնը
յարգէ գաղթականներու իրաւունքները ու պաշտպան հանդիսանայ քաղաքական ապաստան դիմող փախստականներուն։
Կարտինալը ցաւ յայտնած է որ կարգ մը երկիրներ սկսած են վերատեսել իրենց քաղաքականութիւնը
գաղթական-փախստականներու նկատմամբ։ Ան մատնանշեց հարկաւորութիւնը որ հարուստ երկիրները
ստանձնեն իրենց պատասխանատուութիւնները պաշտպանելու իրենց հայրենիքէն փախուստ տուող բռնութեան
ու խտրականութեան ենթակայ անհատները ։ Ան հարուստ երկիրներէն խնդրեց որ հիւրընկալութեան
քաղաքականութիւն մը որդեգրեն։