Папа прызначыў новага нунцыя пры Еўрапейскім Саюзе
23 чэрвеня Бэнэдыкт
XVI прызначыў арцыбіскупа Алена Поля Лебупэн Апостальскім нунцыем пры Еўрапейскім
Саюзе. Да гэтага дыпламат з’яўляўся дыпламатычным прадстаўніком Святога Пасаду ў Кеніі
і Пастаянным назіральнікам пры арганізацыях ААН па пытаннях навакольнага асяроддзя
і насельных пунктаў. Арцыбіскуп Лебупэн – француз. З 1979 г. знаходзіцца на дыпламатычнай
службе Апостальскай Сталіцы. Працаваў у прадстаўніцтве Святога Пасаду пры ААН у Нью
Ёрку, затым у нунцыятурах у Дамініканскай Рэспубліцы і Мазамбіку, быў Апостальскім
нунцыем у Эквадоры, а з 2005 г. і да сённяшняга дня – у Кеніі.