“L’Osservatore Romano”: сказаць “не” культуры “д’ябальскіх ігрышч”
Cённяшняя “L’Osservatore
Romano” прапануе паразважаць над старажытным паняццем “pompa diaboli” – “д’ябальскія
ігрышчы”, аб якім казаў Бэнэдыкт XVI падчас сустрэчы са святарамі Рымскай дыяцэзіі
11 чэрвеня. Святы Айцец нагадаў, што гэты выраз раней ужываўся таксама у абрадзе хросту,
калі святар пытаўся ў вернікаў аб вырачынні сатаны. “Pompa diaboli” у старажытнасці
называлі перш за ўсё жорсткія спектаклі, у якіх крывапраліццё станавілася забавай,
а забойства чалавека спектаклем. Ватыканскае выданне падкрэслівае, што сёння, многім
гэты выраз можа здацца анахранічным, бо баі гладыятараў даўно не праводзяцца, на спартыўных
спаборніцтвах гарантуецца бяспека і лічыцца “палітычна некарэктным” праводзіць мерапрыемствы,
падчас якіх прысутнічае насілле. Аднак, дзякуючы сучасным сродкам камунікацыі: тэлебачанню
і інтэрнэту, кожны чалавек можа быць з аднаго боку блізка да таго, што аглядае, а
з іншага заставацца абсалютна абыякавым, на падабенства гледача старажытных ігрышч.
“L’Osservatore
Romano” нагадвае словы Папы аб “тыпе культуры, стылі жыцця, у якім праўда нічога не
вартая, а каштоўнасць мае толькі тое, што здаецца”. Існуе не пошук праўды, а эфекту,
сенсацыі, закамуфліраваных пад праўду. У рэальнасці ж, знішчаюцца людзі і існуе жаданне
знішчаць усё навокал, робячы сябе пераможцам.
Вырачэнне ад “д’ябальскіх ігрышчаў”
у старажытнасці было “вельмі актуальным”: паводле Святога Айца, гэта было вырачэнне
ад культуры, якая на самой справе з’яўлялася антыкультурай, скіраванай супраць Хрыста
і Бога. “Зараз, хачу каб кожны з вас паразважаў аб гэтых “д’ябальскіх ігрышчах”, аб
гэтай культуры, якой мы кажам “не”, - нагавадае словы Бэнэдыкта XVI ватыканскае выданне.