Տիգրանակերտի Մէջ Հայերէնի Դասընթացի Առաջին Շրջանաւարտները Վկայական Ստացած .(Թուրքիա)
Տիրապեքիրի (Տիգրանակերտ) Սուրի շրջանին մէջ բացուած հայերէնի դասընթացը աւարտած առաջին
27 աշակերտները, 21 Յունիսին ստացած են աւարտական վկայականներ:
Կազմակերպուած
ձեռնարկին մասնակցած են քրտամէտ «Խաղաղութիւն եւ ժողովրդավարութիւն» կուսակցութեան Տիարպեքիրի
պատգամաւոր Տիար Ալթան Թան, Սուրի շրջանի քաղաքապետ Ապտուլլահ Տէմիրթաշ եւ բազմաթիւ
այլ հիւրեր:
«Ասիկա մեր պատմական պարտքը հատուցելուն ուղղուած քայլ մըն է: Մենք
դեռ պիտի շարունակենք վճարել այդ պարտքը: Մենք կը շարունակենք հայկական եկեղեցւոյ վերակառուցումը»(ըսած
է Տէմիրթաշ) :
Իսկ Պատգամաւոր Ալթան Թան իր ելոյթին մէջ նշած է, որ իրենք նոյնպէս
կ’աջակցին Սուրի քաղաքապետարանի «բազմալեզու» քաղաքականութեան: «Ժամանակ մը այս քաղաքի
փողոցներուն մէջ հայերը, ասորիները, քիւրտերը, արաբները միասին կ’ապրէին: Պատմութիւնը
ետ բերել հնարաւոր չէ, սակայն կարելի է ապագային ուղղուած դրական քայլ մը ընել»( ըսած
է Պատգամաւորը):