Աշխատանքային այցով Վիեննայ գտնուող Հայաստանի Հանրապետութեան Սփիւռքի նախարար Տիկին
Հրանուշ Հակոբեան, (ինչպէս որ -կը տեղեկացնէ) Աւստրիոյ մօտ ՀՀ դեսպան Արման Կիրակոսեանի
ուղեկցութեամբ այցելած է Հայ եկեղեցական միութեան խնամատարութեան ներքեւ գործող «Հովհաննես
Շիրազ» Շաբաթօրեայ Դպրոցը, ուր կը յաճախեն շուրջ 160 աշակերտներ ։ Դպրոցի ղեկավարութեան
և անձնակազմին հետ Նախարարը քննարկած է ներկայ խնդիրները, ներկայացուցած նախարարութեան
ծրագրերը, ծանօթացած աշակերտութեան, Սփիւռքի Նախարարութեան Պատուոյ Գիրերով պարգեւատրած՝
վաստակաշատ Մանկավարժները : Հրանուշ Հակոբեան այցելած է ապա Վիէննայի Մխիթարեան
Միաբանութիւնը ուր տեսակցած է Միաբան Հայրերուն հետ: Յաջորդ օրը Նախարարը մասնակցած
է Վիէննայի Հայ Առաքելական Սբ. Հռիփսիմէ Եկեղեցւոյ մէջ կայացած Կեդրոնական Եւրոպայի
և Շուէտի Հայրապետական պատուիրակ հոգեշնորհ Տեր Հայկազուն Ծայրագոյն Վարդապետ Նաճարեանի
մատուցած Սուրբ Պատարագին ։ Նախարար Հրանուշ Հակոբեան այցելած է նաեւ Վիեննայի
մօտ՝Հայաստանի Հանրապետութեան Դեսպանութիւնը, ուր հարցազրոյց մը տուած է Աւստրիա լոյս
տեսնող «Պրոֆիլ» Շաբաթաթերթի թղթակից Ռայներ Հիմմելֆրոյնդփոյնթներ-ին: