Më 26 qershor Papa viziton zonat e goditura nga tërmeti në Emilia Romagna.
Të martën më 26 qershor Papa Benedikti XVI do të vizitojë zonat e Emilia Romagna të
Italisë, që në fund të majit u goditën nga tërmeti, që shkaktoi shumë viktima e të
pastrehë, si dhe dëme të pallogaritshme edhe ndër shumë Kisha. Papa, informon Salla
e Shtypit e Vatikanit, do të niset me helikopter në ora 9.000 nga Vatikani. Në ora
10.15 parashikohet arritja në San Marino di Carpi (Modena), ku Benedikti XVI do të
pritet nga Prefekti Franco Gabrielli, Kreu i Departamentit të Mbrojtjes Civile. Pastaj,
me autobus të vogël të Mbrojtjes Civile italiane, Ati i Shenjtë do të transferohet
drejt Rovereto di Novi e do të kalojë brenda “zonës kuqe” (në Kishën e Shën Katarinës
së Aleksandrisë). Në ora 10.50 është parashikuar arritja e Benediktit XVI pranë
zonës së Fushave Sportive, ku do të jenë të pranishëm qytetarë, besimtarë dhe autoritete
civile e kishtare, si dhe përfaqësues të realitetit të sipërmarrjeve industriale të
këtij rajoni të goditur nga tërmeti. Papën do ta përshëndes Presidenti i Rajonit Emilia
Romagna, Vasco Errani e pastaj Ati i Shenjtë do të mbajë fjalën e rastit. Në ora 12.00
Papa do të niset drejt Vatikanit ku parashikohet të mbërrijë rreth orës 13.15. Kujtojmë
se tërmeti, ka goditur rajonin italian Emilia Romagna për një periudhë të gjatë duke
u nisur nga fundi i majit, e ka shkaktuar viktima e të pastrehë. Atyre, Papa mase
një herë i është drejtuar mase një herë me thirrje të shumta solidariteti, sidomos
gjatë Takimit të VII Botëror të Familjeve mbajtur në Milano në fillim të qershorit,
gjatë të cilit Benedikti XVI iu drejtua drejtpërsëdrejti të pastrehëve përmes video
kontaktit. Më tutje Papa ka dhuruar 500 mijë euro për viktimat e këtij tërmeti.