Пасланне Папы да ўдзельнікаў Сусветнага эўхарыстычнага кангрэса ў Дубліне
17 чэрвеня 2012 г.
у Дубліне завершыўся Сусветны эўхарыстычны кангрэс, які праходзіў пад дэвізам: “Эўхарыстыя:
камунія з Хрыстом і нашым бліжнім”. Урачыстае закрыццё форума адбылося св. Імшой на
стадыёне “Croke Park” у Дубліне. Яе ўзначаліў спецыяльны пасланнік Папы кардынал
Марк Уэлле, прэфект Кангрэгацыі па справах Кананізацыі. Да ўдзельнікаў Літургіі свой
спецыяльны відэазварот скіраваў БэнэдыктХVI. У ім Папа нагадаў, што Кангрэс адбыўваўся
ў перыядзе, у якім Касцёл падрыхтоўваецца адзначаць Год веры з нагоды 50 –годдзя
ІІ Ватыканскага Сабора, падзеі, якая дала пачатак вялікаму абнаўленню Касцёла. Пантыфік
адзначыў, што аднаўленне літургіі, якое здзеснілі Айцы Сабору прынесла вялікія рэзультаты,
але ў між часе ўзнікла шмат непаразуменняў па гэтым пытанні. “Яшчэ шмат чаго трэба
зрабіць на шляху сапраўднага літургічнага абнаўлення”, - адзначыў Святы Айцец.
Пантыфік
нагадаў, што ў Ірландыі на працягу стагоддзяў святары, законнікі, законніцы і місіянеры
распаўсюджвалі Добрую Навіну любові і прабачэння Бога. “Вашы продкі ведамі, як спрыяць
святасці і згоднаму жыццю, (....) як ўмацоўваць еднасць універсальнага Касцёла з Наступнікам
св. Пятра і як перадаваць наступным пакаленням любоў да веры і хрысціянскія цноты”,
- адзначыў Папа. Святы Айцец падкрэсліў, што аднак гэтая вера і любоў да Пана былі
нядаўна парушаны грахамі некаторых святароў, якія злоўжывалі асобы, даручаныя іх апецы.
“Замест таго, каб паказваць ім шлях да Хрыста, да Бога і сведчыць аб Яго дабрыні,
яны здзейснілі злоўжыванні праз што падарвалі давер да Касцёла”, - сказаў Бэнэдыкт
ХVI і запытаў, як магчыма патлумачыць гэты факт, бо асобы, якія рэгулярна прымалі
цела Пана і спавядалі свае грахі так зняважылі іншых. Гэта застаецца загадкай. “Іх
хрысціянская вера больш не натхнялася радаснай сустрэчай з Езусам”, - сказаў Папа.
Пантыфік адзначыў, што моліцца за тое, каб Кангрэс у Дубліне стаў для кожнага з яго
ўдзельнікаў, плённым духоўным досведам адзінства з Хрыстом і яго Касцёлам.
На
заканчэнне свайго відэазарота Бэнэдыкт ХVI абвясціў, што наступны Сусветны эўхарыстычны
кангрэс адбудзецца ў 2016 г. у Себу на Філіпінах.