2012-ը Հայ Գիրքի Տարի, Հռչակուած՝ Արամ Ա. Կաթողիկոսի Կողմէ։

Օսման Քէօքերի ՜՜ Հայերը Թուրքիայում 100 տարի առաջ՝՝գրքի շնորհանդէսը Երեւանում։
Հայաստանի Ամերիկեան համալսարանի փոքր դահլիճին մէջ հանրաճանաչ լրագրող Օսման Քեօքերի ՜՜Հայերը Թուրքիայում 100 տարի առաջ՝՝ գիրքի շնորհանդէսը հնարաւոր դարձած է կատարել աջակցութեամբ՝ Հայաստանի ամերիկեան համալսարանի, Եւրասիայ համագործակցութիւն հիմնադրամի եւ Անադոլու քուլթուրի։
՜՜Հայերը Թուրքիայում 100 տարի առաջ՝՝ գիրքը լոյս տեսած է 2005-ին Թուրքիոյ մէջ եւ կը պարունակէ՝ բացիկներ Օրլանդոյ Կ'ալումենոյի հաւաքածոյէն։ Գիրքին մէջ հաւաքուած են հարիւր տարուայ պատմութիւն ունեցող օսմանեան ժամանակաշրջանի բացիկներ, որոնք կը խօսին հայկական համայնքի խաղաղ եւ, շատ դէպքերու մէջ ալ, բարգաւաճ կեանքին մասին, Օսմանեան կայսրութեան ժամանակաշրջանին։
Այդ ժամանակաշրջանը ներկայացնող 500 բացիկներու միջոցաւ, ալպոմին մէջ ներկայացուած են օսմանական տարածքի վրայ հայ համայնքի բնակութեան վայրերը քաղաք առ քաղաք, համապատասխան թիւերով, եւ հայ համայնքի դերը հասարակութեան մէջ։ Գիրքին զուգահեռ Պոլսոյ մէջ եւ շարք մը այլ եւրոպական քաղաքներու մէջ կայացած է ՜՜Սիրելի եղբօրս՝՝ խորագրով բացիկներու ցուցահանդէսը։
՜՜Թուրքիայում մի ազգի՝` թուրքերի պատմութիւնն է միշտ ուսուցանուել, ասես երկրում երբեք այլ ազգեր չեն բնակուել։ Երբ մենք խօսում ենք հայերի մասին, նրանք չեն ընկալւում որպէս հասարակութեան մի մաս, նրանք խնդիրների աղբիւր են։ Ես որոշեցի այս գիրքը հրատարակել այդ բացերը լրացնելու համար՝՝ ըսած է պրն Քօքերը , Ֆրանփրէս գործակալութեան տուած հարցազրոյցին ընթացքին։
Օսման Քօքերը, ՜՜Պիր զամանլար՝՝ հրատարակչութեան հիմնադիրն ու գլխաւոր խմբագիրն է, որ կը հրատարակէ գիրքեր Թուրքիոյ բազմազգի ժառանգութեան եւ այդ ժառանգութեան անյայտացման վերաբերեալ։ ան ծնած է Մարաշ եւ տարիներ շարունակ աշխատած՝ է որպէս թղթակից, խմբագիր եւ հրատարակիչ։ Իր աշխատանքի ընթացքին ան իր աշխատասիրութիւնները կեդրոնացուցած է պատմական թեմաներու վրայ, 1997-2001 ի ընթացքին եղած է Պատմութեան հիմնադրամի կողմէ հրատարակուող , Հասարակական պատմութիւն պարբերականի խմբագիրը։ Թուրքիոյ տարբեր քաղաքներու եւ այլ երկրներու մէջ ան ներկայացուցած է Թուրքիա բնակող հայ ազգի պատմութիւնը։