Кардынал Равазі: свет спорту патрабуе ачышчэння

“Спорт патрабуе радыкальнага ачышчэння ад дэгенерацыі, каб нанава стаць значанай культурнай рэчаіснасцю”, - заявіў 14 чэрневя 2012 г. кардынал Джанфранка Равазі, старшыня Папскай рады па культуры, падчас прэзентацыі яе новай структуры “Культура і спорт”, якая будзе цесна супрацоўнічаць з аддзелам “Касцёл і спорт” Папскай рады па справах свецкіх. Іерарх падкрэсліў, што мэтай структуры з’яўляецца стварэнне новага культурнага падыходу да феномену спорта, накіраванага на вызначэнне ў спорце “месца” для дыялогу паміж Касцёлам, культурай і моладдзю, а таксама заснаванне новага арэапагу для сустрэчы вернікаў і няверуючых.

Кардынал Равазі адзначыў, што з касцёльнага боку свет спорту патрабуе ўвагі да сябе, зразумення сваёй дынамікі і каштоўнасцяў, а не асуджэння з-за дэгенерацыі. Ён падкрэсліў, што культуру не можна евангелізаваць звонку, але выключна ад яе сэрца, знутры кожнай падзеі. “Перш чым пачаць размаўляць са светам спорту, трэба пачуць і зразумець яго. Таму новая структура будзе імкнуцца, каб у Касцёле пачулі рэха вялікіх культурных памкненняў свету спорту, (...) шукаючы новых шляхі культурнага дыялогу з яго героямі”, - паабяцаў кардынал Равазі.