Վատիկանը Չի Ճանչնար Իսրայէլի Գերիշխանութիւնը Արեւելեան Երուսաղէմի Վրայ, Որ Ապօրինի
Կերպով Առընչուած Է Իսրայէլի Պետութեան։
Ս. Աթոռի ենթաքարտուղարը գերապայծառ Էթթորէ Պալեսդրերօ մամուլին հետ ունեցած ելոյթով
յայտարարած է որ Վատիկանը չի ճանչնար Իսրայէլի ուղղակի կամ անուղղակի գերիշխանութիւնը
արեւելեան Երուսաղէմի վրայ, որ Իսրայէլը ապօրինի կերպով կցած է իր հողերուն, հակառակ
միջազգային իրաւունքին։ Ան մերժեց իսրայէլեան ու պաղեստինեան մամուլի յառաջբերումները
ըստ որու Վատիկանը Իսրայէլի պետութեան հետ համաձայնութիւն կնքելով, հայող՝ կաթողիկէ
եկեղեցւոյ իրաւա-ֆինանսական կալուածներուն ս. Երկրին մէջ, կը ճանչնայ Իսրայէլի իրաւասութիւնը
արեւելեան Երուսաղէմի վրայ։ Ս. Աթոռի դիւանագէտի համաձայն՝ Վատիկանը պատրաստ չէ դրժելու
Ժընեւի 4-րդ համաձայնագիրը, քանի որ միջազգային իրաւունքի տեսակէտով, Արեւելեան Երուսաղէմի
բռնագրաւումը Իսրայէլի կողմէ ապօրինի է ։ Յայտնենք որ այս օրերուն Վատիկանի մէջ տեղի
ունեցաւ լիանիստ ժողովը Իսրայէլի ու Վատիկանի երկկողմանի յանձանխումբին միջեւ։ Հրապարակուած
յայտարարութեան մէջ կը կարդանք որ հանդիպումը տեղի ունեցաւ ''դրական ու շինիչ'' մթնոլորտին
մէջ։