Папа заклікаў маліцца аб плённай працы Сусветнага эўхарыстычнага кангрэсу
13 чэрвеня, падчас
агульнай аўдыенцыі Бэнэдыкт XVI прывітаў удзельнікаў Сусветнага эўхарыстычнага кангрэсу,
які 10-17 чэрвеня праходзіць у Дубліне. Папа назваў форум “каштоўнай магчымасцю пацвердзіць
цэнтральнае месца Эўхарыстыі ў жыцці Касцёла”. “Езус, па-сапраўднаму прысутны ў сакрамэнце
алтара, праз найвышэйшую ахвяру любові на крыжы дорыць нам сябе, становіцца нашай
ежай, каб мы маглі станавіцца падобнымі на Яго, дазваляе нам увайсці ў адзінства з
Ім”, - сказаў Папа і дадаў, што праз гэта адзінства вернікі павінны быць аб’яднанымі
таксама паміж сабой. Пантыфік заклікаў духоўна аб’яднацца з хрысціянамі Ірландыі і
свету і маліцца за плённую працу кангрэса, каб Эўхарыстыя была заўсёды “пульсуючым
сэрцам жыцця ўсяго Касцёла”.