Каталіцкая клініка шукае донараў крыві на рымскім Капітоліі
Рымская каталіцкая
клініка “Gemelli” стала ініцыятарам акцыі па пошуку донараў крыві для рэальнай дапамогі
хворым. Ініцыятыва пройдзе нават на рымскім Капіталійскім узгорку і ў сталічным аэрапорце
. 14 чэрвеня адзначаецца Міжнародны дзень донара крыві. Цэлы тыдзень спецыялісты цэнтра
будуць праводзіць канферэнцыі і разгортваць лабараторыі для збора крыві ў розных месцах
Вечнага Горада. Як сцвярджае статыстыка, большасць людзей хаця б раз у жыцця карыстаецца
донарскай крывёй у лячэбных мэтах. Яна патрэбна падчас аперацый, пры цяжкіх захвораваннях
крыві, людзям пацярпелым у аварыях. Сусветны дзень донара крыві адзначаецца ўжо ў
восьмы раз як даніна павагі і падзякі людзям, якія ахвяруюць сваю кроў бясплатна.
Сёлета ён праходзіць пад дэвізам: “Асвятлі свет”.