У Канферэнцыі Каталіцкіх Біскупаў у Беларусі прайшлі выбары
Канферэнцыя Каталіцкіх
Біскупаў у Беларусі правяла выбары старшыні, віцэ-старшыні і генеральнага сакратара.
Яны прайшлі ў сувязі з заканчэннем трохгадовага тэрміну дзейнасці паўнамоцтваў кіраўніцтва,
прадугледжанага статутамі. Наступныя тры гады пасаду старшыні Канферэнцыі Біскупаў
будзе займаць біскуп Аляксандр Кашкевіч, віцэ-старшыні – біскуп Уладзіслаў Блін, генеральнага
сакратара – біскуп Антоні Дзям’янка. З чаго вынікае, што склад кіраўніцтва епіскапату
не змяніўся.
Пленарнае пасяджэнне біскупскай канферэнцыі прайшло 11 чэрвеня
2012 г. у Мінску, яно стала юбілейным 50-ым. У пасяджэнні ўдзельнічалі ўсе члены епіскапату.
На ім прысутнічаў таксама Апостальскі нунцый у Беларусі арцыбіскуп Клаўдыё Гуджэроцці,
сакратары Апостальскай нунцыятуры, а таксама Архімандрыт Сяргей Гаек, Апостальскі
візітатар для грэка-католікаў у Беларусі.
У склад Канферэнцыі Каталіцкіх Біскупаў
у Беларусі ўваходзіць 5 іерархаў.