Համագործակցութեան Ծրագիր՝ Հայաստանի եւ Չինաստանի Գլխաւոր Դատախազներուն Միջեւ .
Դատախազներուն Միջեւ . ՀՀ գլխաւոր դատախազ Աղուան Յովսէփեան եւ ՉԺՀ գլխաւոր դատախազ
Ցաօ Ձեանմին Յունիս 11-ին, Երեւանի մէջ, ստորագրեցին «2012-2013-ի ընթացքին ՀՀ գլխաւոր
դատախազութեան եւ ՉԺՀ գլխաւոր դատախազութեան միջեւ համագործակցութեան» ծրագիր: Այս մասին
կը տեղեկանանք ՀՀ Գլխաւոր դատախազութեան կայքին մէջ տեղադրուած հաղորդագրութենէն: Ըստ
այդմ` կողմերը համաձայնած են կազմակերպել համատեղ սեմինարներ, կլոր-սեղաններ` քննարկելու
առանձին յանցատեսակներու քննութեան առանձնայատկութիւններուն վերաբերող հարցեր` նախանշելով
ձեռնարկներու յստակ ժամանակացոյց: Ծրագրին համաձայն` 2012-2013-ին հայ եւ չինացի գործընկերները
համատեղ սեմինարներ պիտի կազմակերպեն Պատուիրակութիւնը այցելած է Հայաստանի պատմամշակութային
յուշարձաններ` ծանօթանալով հայոց պատմութեան ու մշակոյթին, իսկ Յունիս 12-ին հիւրերը
պիտի այցելեն Ծիծեռնակաբերդ եւ Հայոց Ցեղասպանութեան թանգարան` յարգելու Մեծ Եղեռնի անմեղ
զոհերուն յիշատակը: Արդէն 14 երկիրներու դատախազութիւններու հետ Հայաստան ունի ստորագրուած
համագործակցութեան մասին յուշագրեր, իսկ երկու երկրի հետ՝ առաւել զարգացնելով համագործակցութեան
մեքենականութիւնները` նաեւ համագործակցութեան ծրագիր: Մինչ այդ Հայաստան համագործակցութեան
ծրագիր ստորագրած էր Ռուսաստանի Դաշնակցութեան դատախազութեան հետ՝ ձեռնարկներու ժամանակացոյցի
եւ թեմաներու յստակեցումով։