Кардынал Курт Кох,
старшыня Папскай рады спрыяння хрысціянскаму адзінству, закончыў свой візіт у Вялікабрытанію,
які праходзіў 9-11 чэрвеня. За час свайго прыбывання ў гэтай краіне іерарх сустрэўся
з шматлікімі прадстаўнікамі Англіканскай Царквы, у тым ліку і з архіепіскапам Роўэнам
Уільямсам. Кардынал Кох прыняў удзел у тэалагічным сімпозіўме, які папярэднічаў Сусветнаму
эўхарыстычнаму кангрэсу, а таксама падзяліўся з прадстаўнікамі Англіканскай Царквы
разважаннямі аб новай евангелізацыі, курс на якую быў узяты ў Каталіцкім Касцёле.
Адной з характарыстык візіта іерарха ў Вялікабрытанію, быў экуменічны аспект. Высупаючы
ў Кентэрберыйскім саборы кардынал нагадаў пра неабходнасць і абавязак працаваць дзеля
хрысціянскага адзінства. “Адзінства, якога мы шукаем, знаходзіцца толькі ў Хрысце,
таму нашыя экуменічныя намаганні павінны існаваць не толькі на чалавечым узроўні,
але таксама станавіцца ўсё больш поўнымі і дасканалымі ў Хрысце. Толькі аб’яднаныя
ў Ім, мы можам аб’яднацца паміж сабою”, - адзначыў кардынал Кох.