Վերահրատարակուած Է Գրիգոր Նարեկացիի «Մատեան Ողբերգութեան»ի Աշխարհաբար Թարգմանութիւնը
Ամենայն Հայոց Գարեգին Բ. կաթողիկոսին օրհնութեամբ, Մայր Աթոռ Սուրբ Էջմիածնի հրատարակչական
բաժինը վերահրատարակած է Ս. Գրիգոր Նարեկացիի «Մատեան ողբերգութեան»ի աշխարհաբար թարգմանութիւնը:
Անիկա արդէն նախապէս աշխարհաբարով հրատարակուած էր։ Լաւագոյն թարգմանութիւններէն մէկը
կատարած է բանաստեղծ Մկրտիչ Խերանեանը՝ 1960ին։ Այդ օրերուն գաղափարախօսութենէ մեկնած՝
յիշեալ հրատարակութենէն դուրս մնացած էին (77, 92, եւ 93) գլուխները, ինչպէս նաեւ
(26,33,34) գլուխներէն որոշ հատուածներ՝ նկատի ունենալով անոնց բնոյթն ու բովանդակութիւնը:
Մայր Աթոռի այս վերջին վերահրատարակութեան մէջ ներառուած են օրին դուրս մնացած բոլոր
վերոյիշեալ հատուածները, որոնց թարգմանութիւնը կատարած է Արշակ Մադոյեանը: