Святы Пасад – ініцыятар канферэнцыі аб устойлівым развіцці
19 чэрвеня ў Рыа-дэ-Жанейра
паралельна з Канферэнцыяй ААН аб устойлівым развіцці, па ініцыятыве Апостальскай Сталіцы
адбудзецца форум пад назвай “Сельская гаспадарка і ўстойлівае грамадства: харчовая
небяспека, зямля і салідарнасць”. Удзельнікі форума будуць разважаць над этычнымі
і рэальнымі рашэннямі, неабходнымі для спрыяння інтэгральнаму развіццю ў святле энцыклікі
Бэнэдыкта XVI “Caritas in veritate”. Разважаючы, праз прызму веры, аб праблемах харчовай
бяспекі і ўстойлівага развіцця, яны жадаюць звярнуць увагу міжнароднай супольнасці
на неабходнасць салідарнасці і гарантавання правоў народаў на свабодны доступ да ежы
і вады. Асноўнымі дакладчыкамі на мерапрыемстве будуць бразільскі кардынал Адзіло
Шэрэр, спецыяльны пасланнік Святога Айца на канферэнцыю ААН па праблемах устойлівага
развіцця, арцыбіскуп Пол Ембуадо Уэдраого з Буркіна-Фасо, прадстаўнік “Caritas Internationalis”,
а таксама шматлікія прадстаўнікі дабрачынных арганізацый і цэнтраў па рэгіянальным
развіцці.