Кс. Ламбардзі: Касцёл не зачыняе дзверы перад разведзенымі
Кс. Фэдэрыка Ламбардзі
адзначыў дзве падзеі мінулага тыдня: урачыстасць Найсвяцейшага Цела і Крыві Хрыста
і VIІ Сусветную сустрэчу сем’яў у Мілане. Езуіт нагадаў, што характэрнай рысай пантыфікату
Бэнэдыкта XVI з’яўляецца націск на сувязь цэлебрацыі св. Імшы з эўхарыстычнай адарацыяй.
Кс. Ламбардзі падкрэсліў пры гэтым, што адарацыя не можа замясціць сабой Эўхарыстыі.
Яна павінна набліжаць да больш глыбокага зразумення і ўспрыняцця духоўнага сэнсу і
багацця св. Імшы.
Дырэктара Ватыканскага радыё ўзрушыла тэма, якая прагучала
з вуснаў Святога Айца ў Мілане – знаходжанне ў супольнасці Касцёла людзей пазбаўленых
удзелу у сакрамэнтах з-за разводу і заключэння новага саюзу. На думку кс. Ламбардзі,
словы Папы прагучалі як рэцэпт на неадчужэнне такіх людзей ад Касцёла. Хоць яны і
пазбаўлены фізічнага прыняцця Цела Хрыста, могуць перажываць “духоўную” камунію з
Ім. Цярпенне пазбаўленых сакрамэнтальнай камуніі, набывае сэнс, калі ўспрымаецца як
“цана вартасці неразрыўнасці сакраментальнай сужэнаскай любові і дар для Касцёла”,
- лічыць кс. Ламбардзі.