Më 8 qershor kalendari kujton të Lumin Armando Ziertkzee

Më 8 qershor kalendari Kishtar përkujton të Lumin Armando prej Ziertkzee. Me origjinë nga ishulli i Schouwen-it në Zeeland (Hollandë) armandi lindi aty nga gjysma e shek XV. Hyri në urdhrin françeskan dhe iu kushtua për shumë vjet mësimdhënies së Shkrimit Shenjt, falë njohjes së thellë të disa gjuhëve biblike, si gjuhës greke, hebraike dhe kaldeje. Fryt i leksioneve të tij qenë disa komente mbi librat e Biblës, që mbetën dorëshkrim, ndërsa tri vepra u botuan në Anversë në vitin 1534.
U bë shumë shpejt i njohur ndërmjet bashkëkohësve, të cilët e përshkruajnë si njohës të thellë të Shkrimit Shenjt e jo më pak, i filozofisë shekullare, mjeshtër i mësimdhënies, gojëtar i shquar, njeri i përshpirtshëm. Qe një nga françeskanët më të zellshëm, që shpresonin ta reformonin urdhrin françeskan, pa qenë e nevojshme të ndahej në disa degëzime, siç edhe u ndodhi më pas.
Armando vdiq në kuvendin e Luvenit, në vitin 1524, sipas epitafit që iu shkrua mbi varr. Kujtohet si i lum më 8 qershor në Martirologun Françeskan.