Të gjithë anëtarët e redaksisë së programit shqip e të familjes së madhe të Radio
Vatikanit, bashkohen në lutje drejtuar Hyjit me kolegen Katarina Nushi dhe familjen
e saj, për ndarjen nga kjo jetë të nënës së dashur GJYSTE Nushi, e cila ndërroi jetë
sot në Prag, e rrethuar nga bijtë e familjarët e dashur. Duke kërkuar nga Krishti
Gjallë ngushëllimin e krishterë, Katarines dhe familjarëve në zi, u sigurojmë afërsinë
tonë shpirtërore, e të bashkuar në lutje i kërkojmë Hyjit të jetës ta pranojë nënën
e dashur Gjyste në gëzimin dhe paqen e bashkimit të amshuar me Të. Gjyste Nushi,
qe një nënë e mirë e bujare, një besimtare e thjeshtë e me fe të gjallë në Zotin.
Tërë jetën ia dhuroi e kushtoi Hyjit dhe familjes, la pas 4 vajza e dy djem dhe shumë
nipa e mbesa, ndërsa tashmë iu bashkua djalit të madh, Anton Nushi, që ndërroi jetë
i ri në vitin 2008. Funerali i Gjyste Nushit pritet të mbahet të shtunën në Prizren.
I përjetshëm qoftë kujtimi yt, o e lumtura dhe e paharruara nëna Gjyste!