Mesazh i Benediktit XVI për Jubileun e Diamantë të Mbretëreshës Elizabeta
Madhërisë së Saj, Mbretëreshës Elizabeta II Ju shkruaj për t’i bërë Madhërisë
Suaj përgëzimet më të ngrohta me rastin e Jubileut të Diamantë të mbretërimit. Gjatë
60 vjetëve të fundit u keni dhënë nënshtetasve tuaj dhe mbarë botës, shembullin frymëzues
të përkushtimit në detyrë dhe të impenjimit për mbrojtjen e parimeve të lirisë, drejtësisë
dhe demokracisë, në përkim me këndvështrimin fisnik mbi rolin e një monarku të krishterë. Ruaj
kujtime të çmuara nga mikpritja e hijshme, që Madhëria Juaj më ofroi në Holirudhauz
të Edimburgut, në fillim të Vizitës sime Apostolike në Mbretërinë e Bashkuar, në shtator
2010; falenderoj sërish për mikrpitjen, që m’u rezervua në ato katër ditë. Impenjimi
juaj personal për bashkëpunimin dhe respektin e ndërsjelltë ndërmjet ndjekësve të
traditave të ndryshme fetare ka kontribuar jo pak në përmirësimin e marrëdhënieve
ekumenike e ndërfetare, kudo në mbretërinë tuaj. Duke ia besuar Madhërinë Ruaj
dhe krejt Familjen Mbretërore mbrojtjes së Zotit të Gjithpushtetshëm, përsëris urimet
e mia më të përzemërta për këtë rast të gëzueshëm dhe ju siguroj se lutem për shëndetin
tuaj dhe begatinë e vendit.