Паводле інфармацыі
арганізатараў VII Сусветнай сустрэчы сем’яў у Мілане, у нядзельнай cв. Імшы з Папам
прыняло ўдзел каля мільёна асоб, 350 тыс. прысутнічала на Свяце сведчанняў у суботу
2 чэрвеня. На форум у Мілан прыехалі разам са сваімі бацькамі 80 тыс. дзяцей. 5,5
тыс. святароў і кансэкраваных асоб маліліся разам са Святым Айцом у суботу раніцай
Літургіяй гадзін. На вуліцах горада віталі Бэнэдыкта XVI 200 тыс. чалавек, 1880 прысутнічалі
на канцэрце ў гонар Папы ў тэатры “Ла Скала”, амаль 7 тыс. асоб прыняло ўдзел у Міжнародным
душпастырскім кангрэсе. 5,3 тыс. валанцёраў дапамагала ўдзельнікам сусветнага форуму,
на якім было прадстаўлена 153 нацыянальнасці. Трансляцыя заключнай св. Імшы на першым
італьянскім тэлеканале сабрала амаль 3 млн. гледачоў. 122 тыс. чалавек наведала з
31 мая па 3 чэрвеня афіцыйны сайт кангрэса.
Як падкрэсліў на заканчэнне VII
Сусветнай сустрэчы сем’яў кардынал Эніа Антанэлі, старшыня Папскай рады па справах
сем’і, Касцёл жывы і ў апошнія дні людзі прадэманстравалі гэта. Ён заклікаў масмедыя
звярнуць увагу на сапраўднае жыццё Касцёла, а не засяроджвацца на маргінальных аспектах,
якія не маюць вялікага значэння.