Бэнэдыкт XVI уяўляе
рай падобным на сваё юнацтва. “Рай можа быць такім, якім было маё юнацтва, таму, я
спадзяюся вярнуцца дадому, калі я адыйду ў іншую частку свету”, - сказаў Папа 2 чэрвеня
падчас VII Сусветнай сустрэчы сем’яў ў Мілане. Ён правёў вечар разам з сем’ямі, юнакамі
і дзецьмі з амаль 100 краін свету. Святы Айцец адказаў на іх пытанні не карыстаючыся
тэкстам, як гэта адбываецца звычайна. Пытанне аб раі задала дзяўчына з В’етнама. Больш
за 350 тыс. вернікаў слухала адказы Папы ў парку “Брэсса” на поўначы ад Мілана.
Сям’я
з Грэцыі расказала Бэнэдыкту XVI пра крызіс у сваёй краіне. Папа адказаў, што крызіс
ударыў у яго сэрца. “Слоў недастаткова, мы павінны зрабіць нешта канкрэтнае, але мы
не можам”, - сказаў Пантыфік. Палітыкі павінны ў гэтай сітуацыі не проста клапаціцца
аб атрыманні галасоў, але мець на ўвазе агульнае дабро. Бэнэдыкт XVI прапанаваў у
сувязі з крызісам ствараць партнёрскія адносіны паміж сем’ямі з багатых і бедных краін
Еўропы. Такое партнёрства, напрыклад, паміж сям’ёй з Германіі і сям’ёй у Грэцыі, на
думку Папы, было б цудоўнай ідэяй. Акрамя таго, партнёрства на ўзроўні парафій зрабіла
б добрую справу. Гэта дапамагло б падтрымаць супольнасці, якія перажываюць эканамічныя
цяжкасці. Папа сказаў, што яго сям’я жыла “адной душой”, нават тады, калі часы былі
вельмі цяжкія. Асабліва важную функцыю ў доме Ратцынгераў выконвала музыка. Яго бацька
граў на цытры, а брат Георг стаў вялікім музыкантам.
Бэнэдыкт XVI адказаў таксама
на пытанне сям’і, якая церпіць ад выключэння з сакрамэнтальнага жыцця Касцёла пасля
разводу і заключэння паўторнага саюзу. Такія сітуацыі Бэнэдыкт XVI назваў “вялізным
цярпеннем нашага часу”. Касцёл не мае пакуль што “рэцэпту” на вырашэнне гэтай праблемы.
Але, як адзначыў Святы Айцец, разведзеныя і выйшаўшыя паўторна замуж, не павінна быць
выключаны з жыцця Касцёла, нават калі яны не могуць прымаць св. Камунію і прыступаць
да споведзі. Аб такіх асобах парафіі павінны клапаціцца асаблівым чынам. Нягледзячы
на выключэнне з сакрамэнтальнага жыцця, разведзеныя застаюцца ў духоўнай сувязі з
Хрыстом.