2012-06-01 11:52:31

Պենետիկտոս ԺԶ Սրբազան Քահանաղապետի Այցը Միլանօ
Ըսքալա Թատերասրահը - ՝՝Piazza Duomo՝՝ Հրապարակը


Միլանոյի Աշխարհածանօթ Լա Ըսքալա Թատերասրահը .
Քնարարեգութեան կամ Օփերայի Միջազգային Սրբավայրը։

Միլանոյի Լա Ըսքալա Թատերասրահը կը հիմնուի Աւստրիոյ Մարիա Թերեզա Կայսրուհիի փափաքով, յետ 1776-ի հրդեհին , որ կը քանդէր Միլանոյի Դուքսի Արքայական Թատերասրահը/ որ մինչեւ այդ թուականը կը հիւրընկալէր Օփերայի ներկայացումները ։Վերաշինութեան Ծրագիրը կը յանձնուի նորդասական Ճարտարապետ Ճուսեբբէ Փիէրմարինի-ի։ Նոր շէնքի բացումը կը կատարուի 3 Օգոստոս 1778ին, ի ներկայութեան Արքիդուքս ֆէրտինանտօ Տասպուրկօ Էսթէ-ի,եւ Իտալացի երաժըշտահան Անթոնիօ Սալիէրի-ի ՝՝Ճանչցուած Եւրոպան՝՝ Օփերայի ներկայացումովը։
Յիշենք նաեւ Ճոաքքինօ Ռոսսինի-ի ՝՝Լա Կացցա Լատրա ՝՝Օփերան որ 1871ին Լա Ըսքալայի մէջ առաջին անգամ ըլլալով կը ներկայացուէր, ինչպէս Վինչէնցօ Պելլինիի՝՝Լա Նորմա՝՝ Օփերան 1831ին, ՝՝Օթէլլօ՝՝-ն 1887ին, Վէրտիի ՝՝ֆալսթաֆ՝՝ը 1893ին ,Փուչչինի-ի ՝՝Մատամ Պաթթերֆլայ՝՝ը 1904ին ,եւ ՝՝Թուրանտօթը ՝՝-ը 1926ին։
Մինչեւ այսօր Միլանոյի Լա Ըսքալա Թատերասրահը կը շարունակէ ըլլալ՝ Օփերայի, Դասական Երաժշտութեան եւ Դասական Բալետի միջազգային Սրբավայրը։



Միլանոյի ՝՝Piazza Duomo՝՝ Հրապարակը։ Տառացիօրէն ՝՝Հրապարակ Մայր Եկեղեցւոյ ՝՝ ։

՝՝Փիացցա Տէլ Տուօմօ՝՝ Միլանոյի գլխաւոր հրապարակն է։ Քաղաքի կենսական կեդրոնը եւ Միլանոցիներու հանդիպումի վայրը ուր անոնք կը տօնախմբեն,կ՝ոգեկոչեն ու կը յիշատակեն կարեւոր դէպքերը։ Հրապարակը ունի շուրջ 17 հազար մեթր քառակուսի ուղղանկիւնաձեւ մակերես մը , շրջապատուած շէնքերով որոնց խորքին կր բարձանայ Մայր Եկեղեցին՝որ կը փակէ հրապարակը ։
Հրապարակը ծագում առած կը թուի ըլլալ Ազնուական Ացցոնէ Վիսքոնթիի ժամանակ 1330ին,որը ուզած է ստեղծել վաճառականական օգտակար տարածութիւն մը, հոն գտնուող բազմաթիւ խանութներու կողքին ,խանութները ժամանակին կը շրջապատէին Սրբուհի Թէքլայի նախաքրիստէնսական Տաճարը։
Հրապարակը կը հանդիսանար միաժամանակ որպէս Ժողովատեղի (միջին դարուն ) ուր տեղի կ՝ունենային հաւաքներ, եւ կը գտնուէր Սրբուհի Թէքլայի Տաճարի եւ Աւագ Տիրամօր Տաճարի միջեւ։ Նշենք որ Ազնուական Ացցոնէ Վիսքոնթի Իտալիոյ Լոմպարտիա Մարզի բոլոր քաղաքները հաւաքած էր Միլանոյի շուրջ։








All the contents on this site are copyrighted ©.