Միլանոյի մէջ չորեքշաբթի 30 մայիսին սկիզբ առաւ Ընտանիքներու Համաշխարհային 7րդ Հանդիպումը
<< <<Ընտանիքը։ աշխատանքը եւ Տօնը>> վերտարութեամբ։ Ընտանիքներու Համաշխարհային Հանդիպումները
սկիզբ առած են 1994ին երջանկայիշատակ ՅՊԲ Սրբազան Քահանայապետի օրով, 6 յունիս 1993
-ին յայտարարուած <<Ընտանիքի Միջազգային Օրուայ>> առթիւ։ Սոյն օրուայ բնաբանը եղած
էր <<Ընտանիք. սիրոյ քաղաքակրթութեան սիրտ>>։ Հանդիպումներու երկրորդ հանգրուանը,
ՅՊԲ Սրբազան Քահանայապետի նախագահութեամբ, տեղի ունեցաւ Պրազիլի Ռիօ Տէ Ժանէյրօյի մէջ
1997-ին եւ ունէր որպէս բնաբան <<ընտանիքը. Պարգեւ եւ յանձնառում, մարդկութեան Յոյս։>>
Ընտանիքներու 3-րդ Համաշխարհային Հանդիպումը նշուեցաւ դարձեալ Հռոմի մէջ 2000-ի՝ յոբելենական
տարւոյն առթիւ։ Անոր նշանաբանն էր <<զաւակները, ընտանիքի եւ ընկերութեան գարունը>>։ Չորրորդ
հանդիպումը կատարուեցաւ Փիլիպեան կղզեախումբի Մանիլա Քաղաքին մէջ 2003ին <<Քրիստոնեայ
ընտանիքը բարի աւետիս մը երրորդ հազարամիայի սեմին>> նշանաբանով, մինչ 2006-ին Սպանիոյ
Վալէնսիա քաղաքի մէջ է որ նշուեցաւ ընտանիքներու համաշխարհային 5րդ հանգրուանը Պենետիկտոս
ԺԶ Սրբազան Քահանայապետի նախագահութեամբ։ Ապա 2009 -ին ընտանիքներու Համաշխարհային 6րդ
հանդիպումը նշուեցաւ Մէքսիքոյի մէջ <<ընտանիքը քրիտոնէական եւ մարդկային արժէքներ կազմող>>
վերատառութեամբ։ Իսկ այս օրերուն (31 Մայիէն 3 - յունիս 2012) Միլանոյի մէջ կը նշուի
Ընտանիքներու 7-րդ Համաշխարհային Հանդիպումը։ Յայտնենք որ սոյն հաւաքին իրենց մասնակցութիւնը
կը բերեն նաեւ Սուրբ Երկրէն ժամանած Պաղեստինցի ընտանինքեր։