Вечарам 1 чэрвеня
ў славутым міланскім тэатры “Ла Скала” пройдзе канцэрт у гонар Папы, біскупаў, святароў
і сем’яў – удзельнікаў сёлетнега сусветнага форуму. На ім прагучыць Дзявятая сімфонія
Бетховена. Як адзначае сённяшняя “L‘Osservatore Romano”, гэты, адзін з самых дасканалых
мастацкіх твораў усіх часоў і народаў, кампазітар напісаў будучы ўжо абсалютна глухім.
Бетховен адчуваў сябе адзінокім, здраджаным, незразуметым, але не паддаваўся болю.
Ён знайшоў апору ў паэзіі Фрыдрыха Шылера, і ўзяў яго “Оду да радасці” за ідэйную
аснову сваёй апошняй сімфоніі. У ёй адлюстраваны цэлы шлях: ад духоўнай пакуты, абсалютнай
адзіноты, да Боскай свабоды. Бетховен працаваў над творам 12 гадоў. Ён выкарыстаў
у ім народныя вобразы і розныя музычныя стылі: гімн, марш, харал.
Кіраваць
аркестрам падчас міланскага канцэрту будзе галоўны дырыжор і музычны кіраўнік “Ла
Скала” Даніэль Барэмбойм, які нарадзіўся ў Аргентыне ў яўрэйскай сям’і рускага паходжання,
вучыўся і працаваў ў Германіі, Францыі, Амерыцы. Дарэчы, “Ода да радасці” з’яўляецца
гімнам Еўрасаюзу