Ռակըբ Զարաքօլու Արժանացաւ Հայաստանի Նախագահի Մրցանակին.

Հայոց Ցեղասպանութեան պատմական ճշմարտութեան մասին թուրք հասարակութիւնը տեղեակ պահելու , խօսքի ազատութեան եւ մարդու իրաւունքները յարգելու համար մղուած յարատեւական եւ սկզբունքային պայքարին համար, թուրք գրող, հրապարակախօս Ռակըպ Զարաքօլու Երեքշաբթի, Մայիս 29ին արժանացաւ Հայաստանի Նախագահի 2011-ի Մրցանակին:
Նախագահ Սերժ Սարգսեան բարձր գնահատեց հրապարակախօսին կատարած աշխատանքը եւ նշեց, որ Հայոց Ցեղասպանութեան ճանաչման գործով Թուրքիոյ քաղաքացի Զարաքօլուի գործունէութիւնը բացառիկ առաքելութիւն է:
՝՝Նրա մղած պայքարը խիզախութեան փայլուն օրինակ է», ըսաւ Հայաստանի Նախագահը:
Զարաքօլու, իր կարգին, շնորհակալութիւն յայտնեց մրցանակին համար եւ նշեց, որ անիկա իրեն համար առանձնայատուկ նշանակութիւն ունի:
Թուրքիան կուրացած է,եւ ականջները խուլցած են: Երկիրս վերածուած է յամրերու գերեզմանոցի», ըսաւ ան եւ ցաւով նշեց, թէ հազարաւոր տարիներու եղբայրութիւնը, պատմութիւնն ու մշակոյթը մէկ վայրկեանի մէջ անխղճօրէն ջնջուեցան թուրքերու կողմէ: Կը մօտենայ Հայոց Ցեղասպանութեան 100ամեակը: Թուրքիոյ կը սպասէ խիղճի պարտքը: 1915ին իրագործուած Հայոց Ցեղասպանութեան, անոր հետեւած կործանիչ քաղաքականութիւններու ճանաչումն ու ներողութիւնը պարտադիր նախապայման է՝ Թուրքիոյ մէջ ժողովրդավարական հասարակութիւն կառուցելու համար»(աւելցուց Զարաքօլու) շեշտելով, որ Թուրքիան պէ՛տք է ընդունի պատմական ճշմարտութիւնը, որովհետեւ միայն այդ ճանապարհով պիտի կարենայ վերականգնել իրեն նկատմամբ յարգանքը:
Ըստ անոր՝ հայերուն հեռացումէն ետք Անատոլուն (Anatolia) կորսնցուցած է իր հոգին ու վերածուած է տափաստանային գաղութի, որ պատմութենէ զուրկ է: Անոր համաձայն՝ Անատոլուի տարածքները, որոնք ժամանակին կեանքով լեցուն էին, այժմ վերածուած են հնագիտական պեղումներու վայրերու, իսկ ամենացաւալին այն է, որ Անատոլուի (Anatolia) մէջ մարդաթափութեան գործընթացը այսօր իսկ կը շարունակուի:
Թուրք հրապարակախօսին գնահատումով, Անատոլուի( Anatolia )մէջ հայերու հազարաւոր տարիներու գոյութիւնը ժխտելը ու հայկական անունները աշխարհագրութենէն ջնջելը Հայոց Ցեղասպանութեան շարունակութեան արտառոց օրինակ է: Անատոլուն (Anatolia) կը կարօտնայ իր անհետացած հայ զաւակներուն», ըսաւ Զարաքօլու:
Հայաստանի նախագահի 2011 թուականի մրցանակին արժանացաւ նաեւ ազգագրագէտ Յարութիւն Մարութեանը՝ Հայոց Ցեղասպանութեան յիշողութեան շարունակականութեան երեւոյթի, Մեծ Եղեռնի եւ Ղարաբաղեան շարժման միջեւ եղած աղերսներուն կապակցութեամբ անոր իրականացուցած հետազօտութեան համար: