Епіскапат дапамагае ахвярам новага землятрусу ў Італіі
Канферэнцыя Каталіцкіх
Біскупаў Італіі прызначыла 1 млн. еўра на дапамогу пацярпелым ад землятрусу, які 29
мая раніцай з новай сілай абрынуўся на поўнач краіны. Эпіцэнтр землятрусу сілай 6
балаў быў размешчаны ў рэгіёне Эмілія. Паводле СМІ, у выніку катаклізму загінула 9
чалавек, многія атрымалі раненні. Разбураны і пашкоджаны шматлікія дамы, касцёлы,
школы, будынкі прадпрыемстваў і дзяржаўных устаноў, якія будуць заставацца зачыненымі
ў бліжэйшы час. “1 млн. еўра – гэта першы ўклад епіскапата ў забеспячэнне асноўных
патрэб пацярпелага насельніцтва”, - адзначылі ў сваім паведамленні італьянскія біскупы.
Таксама Бэнэдыкт ХVI 26 мая праз Папскую раду “Cor Unum” ахвяраваў 100 тыс.
еўра на дапамогу ахвярам землятрусу.