Սրբազան Հօր Զօրակցութիւնը Միջին Արեւելքի Քրիստոնեաներուն։

Ասորի եկեղեցւոյ Պատրիարք Մար Տինքա Դ-ի եպիսկոպոսական օծումի 50 ամեակի առթիւ յղած իր պատգամին մէջ` Նորին Սրբութիւնը վերահաստատած է իր <<զօրակցութիւնը Իրագի եւ համայն միջին արեւելքի քրիստոնեաներուն աղօթելով որ աւետարանի վկայութիւնը եւ խաղաղութեան` հաշտութեան ու միութեան ի սպաս հովուական համագործակցութիւնը աւելիով ամրապնդուի ընդմէջ ասորի եւ կաթողիկէ համայնքներուն։ Սրբազան Քահանայապետը իր պատգամին մէջ գոհունակութիւն յատնելով Աստուծոյ ընդգծած է Տինքա Պատրիարքին յանձառումը ի նպաստ երկխօսութեան` պտղաբեր համագործակցութեան եւ շնորհական եղած է անոր ցուցաբերած բարեկամութեան համար>>։ Սրբազան Հայրը մաղթած է որ երկու եկեղեցիներու միջեւ ստեղծուած Աստուածաբանական յանձնախումբի գործունէութիւնը աճի ու ընթանայ դէպի ամբողջական միութիւն։ Նշենք որ Իրագի մէջ կ՛ապրին Օրթոտոքս Ասորի եկեղեցւոյ 50.000 հաւատացեալներ։