Кс. Ламбардзі: наша заданне – аднавіць атмасферу празрыстасці і даверу
Кіраўнік Залі Друку
Апостальскай Сталіцы кс. Фэдэрыко Ламбардзі абвергнуў інфармацыю, распаўсюджаную некаторымі
СМІ аб тым, што ў выкраданні канфідэнцыяльных дакументаў Папы і Апостальскай Сталіцы
замешаны “кардынал ці жанчына”. Кс. Ламбардзі расказаў, што ў Ватыкане дзейнічае спецыяльная
камісія, якая займаецца пошукам крыніц “уцечкі” інфармацыі. Ён адзначыў, што арыштаваны
па абвінавачванні ў крадзяжы дакументаў камердынер Папскага Дома Паўло Габрыэле выказаў
жаданне дапамагаць следству. “Папа паінфармаваны аб усім і канешне не можа быць не
засмучаным, аднак ён спакойны: у нас усіх ёсць заданне – спрабаваць, як мага хутчэй
аднавіць атмасферу празрыстасці, праўды і даверу”, - сказаў кіраўнік Залі Друку.