1500 журналістаў будуць
асвятляць працу VII Сусветнай сустрэчы сем’яў, якая пройдзе з 30 мая па 3 чэрвеня
ў Мілане. Журналіскія акрэдытацыі для працы на мерапрыемстве атрымалі прадстаўнікі
СМІ з Англіі, Францыі, Германіі, Нарвегіі, Іспаніі, Польшчы, Расіі, ЗША, Канады, Аргентыны,
Бразіліі, Дамініканскай Рэспублікі, Інданэзіі, Філіпін, Паўднёвай Афрыкі, Алжыра і
многіх іншых краін. Візіт Бэнэдыкта XVI у Мілан будуць трансліраваць у прамым эфіры
каля 40 тэлевізійных кампаніі. Тэлегледачы ў многіх краінах свету змогуць пабачыць
прылёт Пантыфіка ў міланскі аэрапорт, цырымонію прывітання і сустрэчу з вернікамі
на катэдральнай плошчы горада. Будзе адбывацца транляцыя з Эўхарыстычнай адарацыі
і канцэрта у тэатры “Ла Скала” на якім будзе прысутны Папа, моманты сустрэч з прадстаўнікамі
свецкіх уладаў, духавенства і вернікамі. Усе трансляцыі будуць падрыхтаваны італьянскім
тэлевізійным каналам “Rai Uno” і Ватыканскім тэлевізійным цэнтрам.
VII Сусветная
сустрэча сем’яў мае таксама сваё інтэрнэт-тэлебачанне. Сачыць за падзеямі ў Мілане
будзе магчыма на сайце www.family2012.com. Тут будуць даступны трансляцыі з асноўных
сустрэч, сведчанні і знаёмтвы з многімі цікавымі ўдзельнікамі мерапрыемства.