Святы Айцец: Спасланне Святога Духа - гэта свята адзінства і ўзаемазразумення
“Пяцідзесятніца –
гэта свята адзінства, узаемазразумення і згодных адносін паміж людзьмі” - сказаў Бэнэдкт
ХVI у гаміліі падчас Эўхарыстыі, якую ўзначаліў 27 мая на ўрачыстасць Спаслання Духа
Святога ў ватыканскай базыліцы. “ Мы ўсе бачым, што ў нашым свеце, нягледзячы на тое,
што мы ўсё больш бліжэй сябе, дзякуючы развіццю сродкаў камунікацый, ўзаемаразуменне
і адносіны паміж людзьмі сёння часта павярхоўныя і складаныя. Недахоп узаемазразумення
часта прыводзіць да канфліктаў; дыялог паміж пакаленнямі становіцца ўсё больш цяжкім
і часта пераважае нязгода ; у паўсядзённым жыцці людзі становяцца ўсё больш агрэсіўнымі
і сварлівымі; не хочуць зразумець сябе ўзаемна і замыкаюцца ў самых сябе, у сваіх
уласных інтарэсах”, - адзначыў Святы Айцец.
Папа падкрэсліў, што з развіццём
навукі і тэхнікі мы імкнемся дамінаваць над сіламі прыроды і звяртацца да Бога нам
здаецца быць непатрэбным, бо думаем, што самі зможам пабудаваць і ажыццявіць усё тое,
чаго жадаем. “Гэта праўда, што мы павялічылі нашы здольнасці камунікацыі паміж сабой,
атрымліваць інфармацыі і перадаваць іх, але ці можам сказаць, што праз гэта павялічылася
наша здольнасць лепш сябе ўзаемна зразумець, а магчыма парадакасальна, мы ўсё менш
і менш разумеем сябе?”, - запытаў Пантыфік і дадаў, ці паміж людзьмі ўсё больш павялічваецца
пачуццё недаверу, падазронасці, ўзаемнага страху, нават да таго, што мы становімся
небяспечным адзін аднаму?”. Такім чынам як мы можам быць аб’яднанымі, жыць у згодзе
?, запытаў Святы Айцец.
Папа падкрэсліў таксама значэнне словаў сённяшняга
Евангелля: “ Калі ж прыйдзе Ён, Дух праўды, навучыць вас усёй праўдзе” (Ян 16,13).
Пантыфік адзначыў, што Езус гаворачы аб Святым Духу паяснівае чым з’яўляецца Касцёл,
“што дзейнічаць як хрысціяне не значыць замыкацца ў сваім “я”, але значыць прыняць
у сябе Касцёл, ці лепш, унутрана дазволіць, каб ён нас прыняў. “Калі я гавару, думаю,
дзейнічаю як хрысціянін, не раблю гэтага замыкаючыся ў сваім “я”, але раблю гэта поўнасцю”,
- сказаў Святы Айцец. Пантыфік звярнуў увагу на тое, што там дзе людзі хочуць
быць Богам, можа атрымацца так, што яны пачнуць выступаць адзін супраць аднаго.
За тое, калі будуць жыць у праўдзе Пана, адкрыюцца на дзеянні Святога Духа, які іх
падтрымлівае і аб’ядноўвае”. Святы Айцец нагадаў словы св.Паўла, які сказаў, што
нашае асабістае жыццё намечана ўнутранымі канфліктамі, падзеламі паміж імпульсамі,
якія паходзць ад нашага цела і тымі, якія паходзяць ад Святога Духа і мы не павінны
прытрымлівацца іх усіх. “Мы не можам быць адначасова эгаістамі і шчодрымі, імкнуцца
панаваць над іншымі і выпрабоўваць радасць бескарыслівага служэння. Мы заўсёды павінны
выбраць тое, за якім імпульсам назіраць і можам гэта рабіць ў сапраўдны спосаб толькі
з дапамогай Духа Хрыста”, - сказаў Бэнэдыкт ХVI.
На заканчэнне сваёй гаміліі
Папа заклікаў вернікаў да малітвы, каб Святы Дух нас асвятліў і кіраваў нам ў прыняцці
праўды Хрыста, якая перадаецца ў Касцёле.