Бэнэдыкт ХVI перад "Regina Caeli" абвясціў імёны будучых Доктараў Касцёла (поўны тэкст)
27 мая перад малітвай
“Regina Caeli” Бэнэдыкт ХVI сказаў, што 7 кастрычніка 2012 г. абвесціць Доктарамі
Касцёла св. Яна з Авілы і св. Хільдегарду з Бінген. Спасылаючыся да сённяшянй ўрачыстасці
Пяцідзесятніцы Пантыфік сказаў, што Святы Дух уваходзячы ў гісторыю чалавецтва адкрывае
сэрцы людзей на надзею, натхняе і спрыяе ўнутранай спеласці ў адносінах з Богам і
з бліжнім. “Дарагія браты і сёстры- сказаў Папа- Сёння мы адзначаем вялікае свята
Спаслання Святога Духа, у 50-ы дзён пасля пасля Нядзелі Уваскрасення Пана завяршае
пасхальны перыяд. Гэтая ўра чыстасць нагадвае нам пра Спасланне Святога Духа на апосталаў
і іншых вучняў, якія сабраліся на малітве разам з Найсвяцейшай Паннай Марыяй ў Вячэрніку.
(Дзеі Ап 2.1-11) . Езус увасрос і ўзнёсся на неба, пасылае Касцёлу свой Дух, каб усе
хрысціяне маглі прымаць удзел у Яго боскім жыцці і станавіцца верагоднымі сведкамі
гэтага ў свеце. Святы Дух уваходзячы ў гісторыю чалавецтва, перамагае ў ёй засуху,
адкрывае сэрцы на надзею, натхняе і спрыяе нашай ў нутранай спеласці ў адносінах
з Богам і з бліжнім.
Святы Дух, які “гаварыў за пасрэдніцтвам прарокаў” даючы
дары надзеі і мудрасці, працягвае натхняць жанчын і мужчын, якія ўдзельнічаюць у
пошуках праўды, прапаноўваючы сапраўдныя шляхі пазнання і паглыблення таямніцы Бога,
чалавека і свету. У гэтым кантэксце, я з радасцю абвяшчаю, што 7 кастрычніка 2012
г. на пачатку Асамблеі Сіноду Біскупаў, я абвяшчу св. Яна з Авілы і св. Хільдегарду
з Бінген Доктарамі паўсюднага Касцёла. Гэтыя вялікія сведкі веры жылі ў вельмі адрозных
гістарычных перыядах і культурных асяроддзях. Св.Хільдегарда была бэнэдыктынскай законніцай
, знаходзілася ў сэрцы нямецкага сярэднявеча. Была сапраўднай настаўніцай тэалогіі
і вялікай вучонай прыродазнаўства і музыкі. Ян, дыяцэзальны святар, які жывў у часах
іспанскага рэнесансу, прымаў удзел у культурным і рэлігійным аднаўленні Касцёла і
грамадскіх структур на пачатку сучаснай эпохі. Але святасць жыцця і глыбіня навучання
робяць іх пастаянна прысутнымі і сёння: ласка Святога Духа кінула іх у гэты досвед
пранікнёнага разумення Божага Адкрыцця і дыялога са светам, якія складаюць трывалы
далягляд жыцця і дзейнасці Касцёла.
Асабліва ў святле планаў новай евангелізацыі,
якой будзе прысвечана ўзгаданая Асамблея Сінода Біскупаў і на парозе Года Веры-
гэтыя дзьве постаці святых і доктараў , з’яўляюцца як асобы аб вялікім значэнні і
актуальнасці. Таксама і ў нашых часах, дзякуючы іх навучанню Дух увасрослага Пана
надалей гучыць і асвятляе шлях, які вядзе да гэтай адзінай Праўды, якая можа зрабіць
нас свабоднымі і даць поўны сэнс нашаму жыццю.
Цяпер молячыся разам “Regina
Caeli” будзем упрошваць заступніцтва Панны Марыі, каб атрымаць для Касцёла ўсемагутнае
натхненне Святога Духа, каб мог ён сведчыць пра Хрыста з евангельскай адвагай і ўсё
больш адкрываўся на паўнату праўды”.
Пасля малітвы “Regina Caeli” Папа нагадаў,
што сёння ў Францыі , у горадзе Ванн, была абвешчана благаслаўлёнай Марыя Луіза дэ
Ламуаньён, вядомая таксама як маці Сэн –Луі, якая жыла на рубяжы ХVIII- ХІХ ст. Яна
заснавала ордэн Законніц Міласэрнасці, “Дачок св. Луіджы”,
Акрамя таго Папа
нагадаў, што ў пятніцу 1 чэрвеня ён прыбудзе ў Мілан на VII Сусветную Сустрэчу Сем’яў.