Papa: Rrëshajët janë festë bashkimi, duhet të jetojmë sipas së Vërtetës.
Rrëshajët janë festë bashkimi, mirëkuptimi e afrimit njerëzor” dhe i kundërvihen Babelit,
ku njeriu dëshiron të jeton pa Zot, duke u bërë më pak i aftë për të dashur e, prandaj,
përherë më pak njeri: kjo është me pak fjalë, përmbajtja e homelisë që Papa Benedikti
XVI mbajti gjatë Meshës së Shenjtë, kryesuar në Bazilikën e Vatikanit, në festën e
së Dielës së Rrëshajëve.
Ati i Shenjtë Ratcinger përshkroi atë çka është e
çka domethënë Babeli dhe atë çka të thotë dhe janë Rrëshajët, që pasqyrohet edhe në
botën tonë të sotme bashkëkohore, ku njerëzit, po, janë pranë njëri-tjetrit, por “mirëkuptimi
e bashkimi mes tyre shpesh është sipërfaqësor e has në vështirësi”, has e në pengesa
të mëdha, ku ushqehet dyshimi e gjykimi njëri kundër tjetrit.
Prandaj, gjatë
homelisë së Rrëshajëve, Ati i Shenjtë, tërhoqi vëmendje para rrezikut të rënies në
kurthin e Babelit, ku ndërmjet njerëzve “depërton, zien e qarkullon mosbesimi, dyshimi,
frika e anasjelltë, aq sa të bëhen të rrezikshëm njëri për tjetrin”. Fjalë këto që
nënvizojnë thirrjen e zemrës plot pikëllim e shqetësim, që i fton të gjithë ta gjejnë
përsëri “bashkimin, përkimin, të vërtetën”.
E në vijim të homelisë, Papa Benedikti
XVI u shpreh se nganjëherë kemi përshtypjen se po jetojmë në një kullë “të re Babeli”,
siç dëshmojnë edhe “faktet e përditshme, që tregojnë se njerëzit janë bërë më agresivë,
më hatërmadh e më armiqësor, që dëshmojnë se mirëkuptimi po bëhet përherë e më tepër
impenjues, gjithnjë e më i vështirë, e kështu preferohet mbyllja në vetvete”.
Duke
iu referuar festës së Rrëshajëve kremtuar sot kudo në botë e kështu edhe në Vatikan,
Papa Ratcinger pohoi se për të krishterët “Shpirti Shenjt është edhe simbol i bashkimit,
simbol i aftësisë të të folurit me dhe në të njëjtën gjuhë, si dhe simbol i mirëkuptimit
në diversitet” e jo kundërshti, jo sundim, jo manipulim deri në “fabrikimin” e vet
jetës njerëzore. “Në këtë gjendje, t’i lutësh Zotit duke diçka si e tejkaluar, diçka
si e vjetruar, diçka e padobishme, sepse ne vet mund të ndërtojmë e të realizojmë
gjithçka që duam”. Po ja se realiteti i jetës dëshmon se nuk është kështu, sepse njeriu
ka nevojë për Dritën dhe Ndihmën e Shpirtit Shenjt.
“Edhe në ditët tona Shpirti
i Zotit të Gjallë vazhdon të jehojë me zërin e Tij e ta ndriçojë udhën që çon në atë
të Vërtetë, e vetmja që na bënë të lirë dhe i jep kuptim të plotë jetës sonë”. Kështu
pra, tha Papa para 40 mijë besimtarëve të pranishëm në Sheshin e Shën Pjetrit në Vatikan
gjatë Meshës së Rrëshajëve e më vonë gjatë lutjes së mesditës të Mbretëreshës Qiellore,
në ditën e festës së ardhjes së Shpirtit Shenjt mbi Apostuj, festë kjo që mbyll kohën
liturgjike të Pashkëve. E kujtojmë se të dielën e ardhshme, ku në mesditë ditë do
të lusë uratën e Engjëllit të Tënzot.