Апостальскі вікарый
у Алепа Джузэпэ Назаро ў інтэрв’ю інфармацыйнаму агенству “Asia news” адзначыў, што
існуюць знешнія сілы, якія не хочуць супакою для Сірыі. Яна з’яўляецца ахвярай баевікоў
з Туніса, Лівіі, Турцыі, Пакістана і іншых ісламскіх краін. Зброя і грошы павялічваюць
і правакуюць жах насілля. Па словах іерарха заходнія краіны не робяць нічога, каб
спыніць гэты канфлікт, яны не клапоцяцца пра лёс сірыйскага народа, які акрамя жахаў
вайны перажывае і эканамічны заняпад. “У больш пацярпелых правінцыях асабліва адчуваецца
нястача, не хапае сродкаў, лекаў і ўсяго самага неабходнага”. Біскуп занепакоены
пазіцыяй ісламскіх экстрэмістаў, згодна з якой не шукаюцца шляхі выхаду з канфлікту.
“У краіне і надалей працягваюцца гвалт і сутыкненні, справакаваныя барацьбой за кантроль
над дзяржавай паміж алавітамі і сунітамі” – паведаміў апостальскі вікарый Алепа і
падкрэсліў, што сутыкненні у асноўным сканцэнтраваныя ў рэгіёнах, дзе знаходзяцца
шмат баевікоў з замежным грамадзянствам. Па словах біскупа ў правінцыях, дзе не
дамінуюць мусульманскія супольнасці, сітуацыя больш спакойная і хрысціяне спрабуюць
дапамагчы мясцовым мусульманам.