Հռոմի Լրատուութեան Ազգային Դաշնակցութեան կեդրոնի մէջ, երեքշաբթի 22 մայիսի առաւօտեան
ժամը 11ին տեղի ունեցաւ <<լրագրութիւն եւ կրօնք>> վերտառութեամբ Հայր Ճուզեփփէ Գոսդայի,
Ճուզեփփէ Մերոլայի եւ Լուգա Գարոզիի աշխատասիրութեամբ, ու Վատիկանի տպագրատան հովանաւորութեամբ
տպագրուած եւ լոյս տեսած՝ հատորի ներկայացումը։ Ի շարս հանրածանօթ լրագրողներուն եւ
անձնաւորութիւներուն, ներակայացման մասնակցեցաւ նաեւ Ընկերային Հաղորդակցութեանց Քահանայապետական
խորհուրդի ենթաքարտուղարը՝ Տիար Անճէլօ Շէլցոն։
22- 25 մայիս Եւրոխորհուրդի <<գնչուներու>>
հարցի մասնագէտները Սգոփիէի մէջ կը գումարեն իրենց ժողովը, ուսումնասիրելու՝ Եւրոպայի
մէջ ապրող <<գնչուներու>> հարցը։ Սոյն ժողովին իր մասնակցութիւնը կը բերէ նաեւ՝ Գաղթականութեան
եւ Փախստականներու Քահանայապետական Խորհուրդէն պատուիրակութիւն մը։