Бэнэдыкт XVI да кардыналаў: Мы “каманда” Пана – “каманда” пераможцаў!
21 мая ў Герцагскай
залі Апостальскага палацу ў Ватыкане адбыўся ўрачысты абед Бэнэдыкта XVI з членамі
Калегіі кардыналаў. Такім чынам Святы Айцец хацеў падзякаваць сваім найбліжэйшым супрацоўнікам
за віншаванні, якія атрымаў з нагоды свайго 85-годдзя. Звяртаючыся да прысутных на
абедзе, Пантыфік прапанаваў паразважаць над паняццем “Ecclesia militans” – “Касцёл-змагар”.
Ён адзначаў, што сёння відавочным з’яўляецца імкненне зла “дамінаваць у свеце” і таму
неабходна ўвайсці ў барацьбу з ім. “Мы бачым, што гэта барацьба ажыцяўляецца розным
чынам, жорсткімі і часам гвалтоўнымі метадамі, замаскіраванымі пад дабро і менавіта
таму разбуральнымі для фундаментаў маралі ў грамадстве”, - падкрэсліў Папа. Пантыфік
нагадаў словы св. Аўгустына аб тым, што ў гісторыі існуе пастаянная барацьба паміж
двума відамі любові: любоўю да сябе і любоўю да Бога, якая характэрызуецца поўным
самаадданем аж да мучаніцтва. “Мы удзельнічаем ў гэтай барацьбе і таму нам неабходна
мець сяброў”. “Вы мае сябры і я адчуваю сябе як дома, я адчуваю сябе ў кампаніі вялікіх
сяброў, якія заўсёды побач са мной, мы усе разам і з Панам”, - сказаў Святы Айцец,
звяртаючыся да кардыналаў.
Пантыфік падзякаваў пурпуратам за сяброўства і заахвоціў
іх словамі Езуса Хрыста: “Адвагі! Я перамог свет”. “Мы “каманда” Пана, гэта значыць
– “каманда” пераможцаў!”, - сказаў Бэнэдыкт XVI.