Ատրպէյճանի Խորհրդարանի Երեք Հոգինոց Պատուիրակութիւնը Հայաստան Պիտի Այցելէ:
Ինչպէս որ կը տեղեկացնէ ԱՊԱ գործակալութիւնը, Պատուիրակութիւնը Հայաստան պիտի այցելէ
մասնակցելու համար Սեւծովեան Տնտեսական Համագործակցութեան Խորհրդարանական Վեհաժողովի
39-րդ նիստին, որ տեղի պիտի ունենայ Երեւանի մէջ: Ատրպէյճանական պատուիրակութեան կազմին
մէջ պիտի ըլլան Ասաֆ Կաճիեւ, Մուսա Կուլիեւ, եւ Ժալիա Ալիեւա: Երեւանեան նիստին ընթացքին
կազմակերպութեան մէջ նախագահութիւնը Հայաստանէն պիտի փոխանցուի Ատրպէյճանին: ՍԾՀԽ-ի 40-րդ
նիստը տեղի պիտի ունենայ յառաջիկայ աշնան` Պաքուի մէջ: