ԱՄՆ-ի Ռոտ Այլընտ նահանգի Քոնկրէսը ընդունած է բանաձեւ մը , ուր ԱՄՆ-ի նախագահին եւ դաշնակցային
Քոնկրէսին կոչ կ’ընէ ճանչնալ Լեռնային Ղարաբաղի Հանրապետութեան անկախութիւնը։ Բանաձեւով
նաեւ կը խրախուսուին հանրապետութեան` «իբրեւ ազատ եւ անկախ ազգ զարգանալու շարունակական
ջանքերը»: Ինչպէս նաեւ` գնահատանք կը յայտնուի Արցախի` «միջազգային հանրութիւն կառուցողական
ներգրաւման եւ անոր` «գոյութիւն ունեցող տարածաշրջանային խնդիրներու տեւական լուծման
հասնելու ջանքերու» առիթով: «Ես երախտիքս կը յայտնեմ Ռոդ Այլընտի Քոնկրէսին այս բանաձեւը
ընդունելու համար` ի նպաստ Ղարաբաղի ազատութեան ձգտման, եւ յոյս ունիմ, որ մարդու իրաւունքներու
եւ ազատութեան մեր ընդհանուր արժէքներու ընդունումը օրէնսդիրի կողմէ օրինակ կը ծառայէ
ԱՄՆ-ի այլ օրէնսդիր մարմիններու համար ըսած է ԱՄՆ-ի եւ Գանատայի մէջ ԼՂՀ մշտական Ներկայացուցիչ
Ռոպերթ Աւետիսեանը: