Бэнэдыкт ХVI прывітаў удзельнікаў Каталіцкіх дзён у Германіі
Бэнэдыкт ХVI скіраваў
спецыяльнае пасланне да ўдзельнікаў 98-х Каталіцкіх дзён, якія праходзяць 16-20 мая
ў нямецкім Мангейме, у зямлі Бадэн-Вюртэмберг. Каталіцкія дні ў Германіі з’яўляюцца
адным з найбуйнейшых мерапрыемстваў у якім удзельнічаюць католікі з усёй краіны. У
гэтым годзе ў форуме прымуць удзел Прэзідэнт Германіі Ёахім Гаўк , федэральны канцлер
Ангела Меркель і іншыя палітыкі і вядомы людзі краіны.
Тэма мерапрыемства:
“Адважыцца на новае жыццё”. Разважаючы над гэтымі словамі Пантыфік заклікаў нямецкіх
вернікаў да мужнасці. Ён падкрэсліў, што каб пачаць новае жыццё неабходна быць гатовым
з рашучасцю і адвагай пакінуць старое.
Бэнэдыкт XVI звярнуў увагу на тое, што
аднаўленне веры ахрышчаных павінна адбывацца ў Касцёле і з Касцёлам. Акрамя таго,
Папа адзначыў, што кожны хрысціянін павінен уключыцца ў справу новай евангелізацыі,
бо Германія “патрабуе новага місійнага і апостальскага запалу”.“Народ, у якім пануе
“цывілізацыі любові”, можа адчуць смак сапраўднага і трывалага супакою”, - падкрэсліў
Святы Айцец.
Папа асаблівым чынам звярнуў моладзі. Ён заклікаў маладых людзей,
быць сведкамі Евангелля сярод сяброў – у школе і на працы. Святы Айцец пажадаў, каб
Каталіцкія дні ў Германіі дапамаглі Касцёлу нанава адкрыць прыгажосць і свежасць веры.