E diel 20 maj, Kisha katolike kremton festën të të Ngjiturit të Krishtit në Qiell.
E po më 20 maj kalendari përkujton edhe shën Bernardinin nga Siena, meshtar françeskan
e shën Aurean, martire. Ungjilli sipas Gjonit na paraqet fjalën prekëse të lamtumirës
së Jezusit, kur Ai u thotë dishepujve se po shkon t’u përgatisë vendin në shtëpinë
e Atit Qiellor. E u tregon edhe rrugën e mbërritjes: “Unë jam Udha, e Vërteta dhe
Jeta”. Askush pra, nuk do të hyjë në atë shtëpi, veçse përmes Krishtit.
Të
hënën, më 21 maj, bie kujtimi liturgjik i shën shën Kristoforit Magalanes me shokët
e tij meshtarë, martirë në Meksikë dhe i shën Eugjenit de Mazenod, ipeshkëv i Marsejës,
themelues i Oblatëve të Marisë. Këta na mësojnë se nuk mjafton ta shpjegojmë fenë
tonë: feja duhet jetuar çdo ditë, duke ecur me vullnet krejtësisht të lirë në gjurmët
e Zotit, që na çojnë në Mbretërinë e amshuar.
Të martën më 22 maj bie
kujtimi i shën Ritës nga Kasha, rregulltare agostiniane, pajtore e njerëzve të pashpresë,
së cilës Zoti i dhuroi dijen e forcën e Kryqit dhe e shën Julies, virgjër e martire.
Shën Rita njihet si shenjta e trëndafilave, për shkak të kësaj luleje, që lulëzoi
në mes të dimrit, për të ngushëlluar shenjtën e sëmurë, e cila çoi të kushërirën për
ta marrë, në shtëpinë e vet në Rokaporena Të mërkurënmë 23 maj, bie
kujtimi i shën Gjon Baptis de Rosi, meshtar romak.“Fuqia e Zotit është dashuria!”.
Liturgjia na kujton se feja e besimtarëve rritet në bashkim të ngushtë me transmetimin
e pandërprerë të Fjalës së Krishtit Gjallë nga ana e Kishës, e cila këtë ditë kremton
edhe festën e Zojës Ndihmëtare. Të enjten më 24 maj bie festa eZojës
Ndihmëtare. Liturgjia na kujton se feja e besimtarëve rritet në bashkim të ngushtë
me transmetimin e pandërprerë të Fjalës së Krishtit të Gjallë nga ana e Kishës. Të
premten më 25 maj bie përkujtimi i shën Gregorit VII, papë, shën Bedës Venerabile,
meshtar benediktin e doktor i Kishës dhe e shën Maria Madalena de Pacit, të cilët
na kujtojnë se mbretëria e Zotit shtrihet në botën mbarë e për çdo njeri. Të
shtunën më 26 maj bie kujtimi i shën Filip Nerit, meshtar e themelues i Kongregatës
së Priftërinjve të Oratorit. Ai na mëson se nuk mjafton ta shpjegojmë fenë tonë: feja
duhet jetuar çdo ditë, duke ecur me vullnet krejtësisht të lirë në gjurmët e Zotit,
që na çojnë në Mbretërinë e amshuar Të dielën e ardhshme më 27 maj, Kisha
do të kremtojë solemnitetin e Rrëshajëve, e po më 27 maj bie kujtimi i shën Agostinit,
kryeipeshkëv i Kanterbërit. Festa e Rrëshajëve, është festa e krijimit, festa
e Shpirtit Krijues. Për ne, të krishterët, bota është fryt i aktit të dashurisë së
Zotit, që krijoi të gjitha sendet, e për të edhe gëzohet, sepse është ‘gjë e mirë’,
‘gjë shumë e mirë’ (cfr Zan 1,1-31). Prandaj Zoti nuk është Tjetri, Ai që nuk mund
të merret nëpër gojë, duke ia përmendur emrin, i errët, i pakapshëm. Zoti dëftohet,
ka një fytyrë, Zoti është arsye, Zoti është vullnet, Zoti është dashuri, Zoti është
bukuri.