Кардынал Кох: антысэмітызм з’яўляецца здрадай хрысціянства
“Біч антысемітызму”,
паводле Кардынала Курта Коха, у сучасным свеце, здаецца, невынішчальным. Таксама і
ў хрысціянскай тэалогіі існуюць антыяўрэйскія тэндэнцыі, як з боку традыцыяналістаў,
так і лібералаў, заявіў старшыня Папскай рады спрыяння хрысціянскаму адзінству 16
мая ўвечары. Каталіцкі Касцёл заяўляе пастаянна, што антысемітызм азначае “здраду
хрысціянскай веры”. Духоўная сувязь паміж юдэямі і хрысціянамі мае “трывалы і вечны
фундамент” у Святым Пісанні, сказаў кардынал падчас сваёй лекцыі на тэму “50-годдзя
хрысціянска-юдэйскага дыялогу” у Рымскім універсітэце “Angelicum”. Кардынал узгадаў
Халакост, падчас якога маса хрысціян былі пасіўнымі гледачамі, якія закрывалі вочы
на жорсткую рэальнасць.
Сяброўства паміж яўрэямі і хрысціянамі мае “вырашальнае
значэнне для ўсяго чалавецтва”, сказаў іерарх, які з боку Апостальскай Сталіцы нясе
адказнасць за рэлігійныя адносіны з юдаізмам.