Бэнэдыкт XVI: эгаізм, замкнёнасць на сабе і накіраванасць на зло, руйнуюць жыццё чалавека
Бэнэдыкт XVI прысутнічаў
учора на ватыканскай прэм’еры фільма “Марыя з Назарэту”. Святы Айцец падзякаваў яго
творцам за імкненне раскрыць вобраз Божай Маці, што з’яўляецца само па сабе вельмі
складаным заданнем. Папа заўважыў, што ў фільме перасякаюцца лёсы трох жанчын: “Ірадыяды,
замкнёнай у сабе, у сваім свеце, якая не можа падняць вочы, каб прачытаць знакі Бога
і не падпарадкавацца злу”; Марыі Магдалены, у жыцці якой наступае момант навяртання,
калі яна сустракаецца з Езусам, якому адкрывае сэрца і змяняецца. Святы Айцец заўважыў,
што ў цэнтры стужкі стаіць вобраз Марыі з Назарэта, якая адчувала лучнасць з Хрыстом,
як сваім сынам, хоць дакладна ведала, што ён – Бог. “Яе вера і любоў настолькі вялікія,
што яна прымае і выконвае сваю місію, паўтараючы Богу: “Вось я” ад Звеставання да
Крыжа”, - заўважыў Пантыфік.
Папа падкрэсліў, што ў фільме сустракаюцца тры
пачуцці, якія руйнуюць жыццё: эгаізм, замкнёнасць на сабе або матэрыяльных рэчах і
накіраванасць на зло. Але Бога гэта не спыняе, Ён прыйшоў, каб застацца ў нашым асяроддзі,
чакае нас, калі мы памыляемся, і ласкава просіць нас ісці за Ім. І Марыя з Назарэту
з’яўляецца знакам гэтага, падкрэсліў Пантыфік.