У Рыме 13 мая адбылася
самая буйная за апошні час хрысціянская акцыя. 7 тыс. праціўнікаў абортаў прайшлі
ад Калізея да плошчы св. Пятра “Маршам за жыццё”. “Мы ніколі не бачылі нічога падобнага
ў Рыме, сталіцы хрысціянства, горадзе Папы, горадзе, на які звяртаюць свой погляд
усе католікі свету”, - заявіў адзін з арганізатараў акцыі Хуан Мігель Монтэс. Ватыканскі
кардынал Райманд Лео Бёрк узначаліў групу святароў на маршы. Ён сказаў, што ідучы,
ўзгадваў вялікую колькасць маршаў, у якіх удзельнічаў працуючы ў Амерыцы.
“Маршы
выконваюць вельмі важную функцыю”, - сказаў іерарх, перш за ўсё, гэта сведчанне для
ўсіх аб недатыкальнасці і годнасці чалавечага жыцця, а таксама магчымасць абудзіць
сумленне да таго, што адбываецца. Кардынал выказаў шчырае задавальненне, што такая
падзея, нарэшце, дасягнула Рыма. “Я мару, каб ініцыятыва расла і пашыралася з кожным
годам, каб стала важнай падзеяй у Італіі, так як гэта адбылося ў Амерыцы, для аднаўлення
павагі да каштоўнасці чалавечага жыцця”, - сказаў кардынал Бёрк.
У “Маршы за
жыццё”, па афіцыйных дадзеных, прыняло ўдзел 150 асацыяцый і разнастайных супольнасцяў,
якія аб’ядноўваюць шматлікія ўзроставыя і нацыянальныя групы.