Një mendim për Virgjërën Mari, në muajin maj: Maria në Komedinë Hyjnore
Maria ka qenë e vijon të jetë burim frymëzimi për poetët, muzikantët, piktorët e skulptorët.
Për njerëzit, që merren me forma të ndryshme arti. Prej këndej, u krijuan një mori
kryeveprash, kushtuar Vashës, nëpër të cilën vetë Zoti zbriti mbi tokë, për t’i hapur
njerëzimit shtegun e Besës së Re, epokës së Shëlbimit, Ndërmjet tyre, po kujtojmë
disa fragmente të “Komedisë Hyjnore”, kryevepër e të gjitha kohëve, shkruar nga Dante
Alighieri. Në këtë poemë të pashoqe, gjejmë edhe lutjen e doctor marianus, Bernardit
të Kiaravales, muzikuar, ndërmjet tjerëve, edhe nga Gjuzepe Verdi në “Katër pjesët
kishtare”. Dante e skaliti, si në mermer, lutjen, në tercinat e tij, me shpresë që,
përmes ndërmjetësimit të Zojës, të fitonte hirin e vegimit të Trinisë Hyjnore. Po
e sjellim këtu fragmentin e Këngës XXXIII, versetet 1-21, nga Pjesa III e Komedisë
Hyjnore, “Parajsa”:
1
Nanë virgjineshë, ti bija e tand bir, mbi çdo krijesë e prunjtë
e madhështore nga këshilli i amshuem cak i vendosun mirë,
4
ti je ajo, që natyrën njerzore e ngrite aq, sa vetë Krijuesi
unjí me u ba krijesë e saj s'e pat për kore.
7
Në parzëm tand dash’nia u përtri, nëpër ngrohtësi të paqes së amshueshme, e
kështu aty kjo lule pati mbí.
10 Pishtar mesdite je,
në botë t' këtushme, i dashunisë, e poshtë për njerzt e shkretë ti
shpresë je e gurrë e pashterrueshme.
13O Zojë, kaq
je e madhe e vlerë ke vetë, sa kush don hir edhe te ti s'vrapon dëshira
e tij don t'fluturojë pa fletë.
16 Me mirsinë tande
ti jo veç ndihmon atë që të lyp, por shpesh ndër të veshtira pa
t'u drejtue endè në ndihmë i shkon.
19N'ty dhimbsunija
dhe në ty mëshira, n'ty bujarija, asht bashkue te ti e të gjitha
krijesavet e mira.
Parajsa XXXIII, 1-21, përkthim i Pashko Gjeçit
Në
vargjet danteske përqendrohet mbarë tradita teologjike mariane. Poeti gjenial e shikon
Marinë si figurë, në të cilën zgjidhen të gjitha paradokset e pazgjidhshme tokësore.
Mjafton të kujtojmë vargun: “Nanë virgjineshë, ti bija e tand bir”. Në frymëzimin
dantesk, Maria është krijesë e përvuajtur, e zgjedhur nga Zoti në amshim për shpëtimin
e njerëzve. Është Ajo, të cilën Ati e Biri e duan me dashuri absolute, të pakufishme,
të pakushtëzuar. Është ‘Nëna e Zotit” në histori e Nëna e Zotit të historisë, që i
mbush me dashuri të lumët e me shpresë, ata që presin të arrijnë cakun e dëshiruar
të lumnisë. Është ndërmjetëse për çdo hir. Nëpërmjet Saj, Zoti mori korp e gjak njerëzor.
Në të bashkohen përsosuria ideale e hyjnisë me konkretësinë fiziko-historike të krijesës.