Հայ Երիտասարդները Նուաճեցին Դասական Երաժշտութեան Եւրոպական Բարձունքները :
Վիեննայի մէջ վերջ գտաւ «պատանի երաժիշտներու Եւրոտեսիլ-2012» (Eurovision Young Musicians)
մրցոյթի եզրափակիչը: Երեք մրցանակային տեղերէն երկուքը գրաւած են հայ երիտասարդները:
Հայաստանը ներկայացնող 15-ամեայ քանոնահար Նարեկ Գազազեան գրաւած է 3-րդ տեղը: Իսկ 2-րդ
տեղը գրաւած Աւստրիան ներկայացնող հայ ջութակահար Էմանուէլ Ճգնաւորեանը: Առաջին տեղը
գրաւեց Նորվեկիան ներկայացնող Էյուինդ Հոլցմարկ Ռինգստատը: Մրցոյթի կիսա-եզրափակիչը
տեղի ունեցած էր Մայիս 5-ին եւ 6-ին: Ի տարբերութիւն, «Եւրոտեսիլ» երգի մրցոյթին, այս
մրցոյթի կիսա-եզրափակիչը չի հեռարձակուիր, այլ յաղթողները կ’ընտրուին մասնագիտական ժիւրիի
կողմէ: Երաժիշտներու այս մրցոյթին կը մասնակցին 15-20 տարեկան դասական երաժշտութեան
կատարողները: Ան ԵՄ-ի խոշորագոյն նախագիծերէն է եւ կ’իրականացուի 1982-էն սկսեալ` երկու
տարին անգամ մը :